傅明憲（Gigi）前夫葉劍波前年涉及詐騙案被捕，案件日內審結。Gigi昨日為愛護動物協會行善時，表示和葉劍波仍有聯絡，希望前夫可以平安大步檻過，更為顧及前夫的感受，她未必會出席聽取判決。
傅明憲（Gigi）前夫、50歲的海域集團前主席葉劍波，因涉嫌詐騙並騙取銀行貸款，07年9月回港時被拘捕，一直扣留至今。案件年初在高院開審，估計日內審結。傅明憲昨日代表愛護動物協會，在深水埗向小學生派發尊重動物的漫畫。
Gigi指今次漫畫是由小學生繪畫，希望下次可以叫老友古巨基幫手畫畫。問到她前夫判刑在即，可會擔心？Gigi即說：「我唔公開問候，只會私下問候，我哋有聯絡，家只希望佢冇事，我都會關注結果（指判決）。」問到前夫的心情，Gigi不願多講，至於會否出席聽判決？Gigi說：「（去唔去）都唔係我個人意願，係要睇律師嘅意見先，（如果）對單case唔係咁好，佢想低調處理，我去怕佢唔開心，唔係下下自己決定，總之希望佢大步檻過，冇事！」
顧及前夫拒談新歡
葉劍波有可能被判入獄，傅明憲會否代前夫照顧他的家人，如他的兒子？Gigi強調前夫想低調處理，並說：「佢唔鍾意我講佢家人，我尊重佢為大前提，顧及佢嘅心情為主，當然都希望佢冇事。」
兩人離婚後仍有聯絡，互相關心，若葉劍波無事，可有機會復合？Gigi說：「都唔關事，家係官司放第一位。」至於與莊家彬的緋聞，Gigi謂希望顧及前夫感受，不想多講。
採訪、攝影：LawWaiMan