花旗股市前晚喺銀行股帶動下升近7400，不過高位有好大沽壓，道指倒跌7點收市，但仍企喺短期升軌之上，守唔守得住呢個位對短期後市好重要。
噚日港股嘅走勢同美股差唔多，恒指跌98點，報收12878，不過恒指累積咁多升幅，調整都好合理，而且噚日跌幅亦唔算大，要繼續睇實隻滙控（005），大笨象偏強，大市唔會太差。
交行C輪16009：交行（3328）昨收5.15元，升0.5巴仙，最高見過5.39元，尾市升幅收窄，但仍然企喺條50日線樓上，10日線就快上破20日線現黃金交叉，技術偏好，可以諗吓隻C輪16009，現價13.3仙，有效槓桿2.5倍，正股升上5.90元，16009可見18.4仙，正股跌穿4.75元，就沽咗隻輪止蝕。
俊樺