上個禮拜港股表現唔錯，噚日繼續炒上，滙控（005）領軍，股價升上40元，恒指升450點收市，報12976，係全日高位，美中不足就係成交唔算好大，要一舉突破50日線會有啲難度。
股市短線向好，但大家記緊唔係炒緊趨勢，而係炒緊波幅，所以要睇準炒邊類股份好重要，因為當資金轉炒第二個sector，之前炒高嘅股份就會出現調整。
建行C輪15376：建行（939）昨收4.20元，升2.9巴仙。建行喺幾條短中期平均線橫行咗好耐，噚日股價有打破橫行格局嘅迹象，如果起步炒上，先睇4.64元，破位睇4.80元，可以諗吓隻C輪15376，現價46.5仙，有效槓桿4.4倍。
正股升上4.80元，15376睇80仙，正股跌穿4元，就沽咗隻輪止蝕。
俊樺