上周中貼中亞冠盃嘅川崎前鋒贏波，今周中同樣有盃賽，不過主打唔再係亞冠盃，反而揀番歐協盃，博呢期復勇嘅雲達不來梅，周三唔怕作客聖伊天，次回合贏多場都冇問題，平手盤取不來梅。
陣容完整目標清晰
雲達不來梅自從上圈歐協盃淘汰AC米蘭，之後聯賽迫和拜仁慕尼黑後，球隊信心返晒嚟，近4場取得3勝1和，上仗主場狂勝史特加4:0，射到史特加個前國腳門將列文冇晒癮。不來梅呢隊波有個特色，順起上嚟可以連贏幾場，遇神殺神，衰起上嚟又可以連輸幾場，幾弱嘅對手都輸得，既然呢排佢哋當旺，梗係要追。
不來梅今仗陣容尚算完整，除咗中場包文停賽，另一中場丹尼爾贊臣因傷缺陣，其餘主力均上陣，尤其是一眾炮手迪亞高、比沙路大勇。以目前德甲排名，不來梅只列第10，距離來季歐協盃資格嘅第5位有11分，相信不來梅將餘下目標放在歐協盃同德國盃身上。
聖伊天兩頭唔到岸
聖伊天兼顧法甲同歐協盃兩邊戰線，明顯兩頭唔到岸，首回合已輸0:1，上仗聯賽又作客輸波，仍然沉淪聯賽第18位，隨時來季法乙見。而且聖伊天傷兵仍多，盧斯佩連同蘭連仍缺陣，點計都唔夠客軍打。
配腳方面，今次支持一吓祖國，周三亞冠盃FC天津主場對中岸水手，捧主W；FC天津上仗作客僅負於川崎前鋒一球，表現並不差；而且今仗係FC天津首度主場踢亞冠盃，當地球迷已掀起撲飛潮，以水手在澳職聯已收「咧」，剛過去球季戰績亦差勁，1.9倍主W可捧。
早飛王貼士
星期三7聖伊天vs雲達不來梅
首選 雲達不來梅（平）（1.86）
次選 雲達不來梅勝（2.4）
冷選 雲達不來梅勝2:1（11）
早飛倉
主菜：星期三7雲達不來梅（平）（1.86）@2,000
渾水摸魚過關：星期三4FC天津勝（1.9）x
星期三7雲達不來梅勝（2.4）2x1@500
今日早餐價錢：-$2,500
上日賺蝕：-$2,000
早飛倉結餘：$75,051
規則：$100,000本錢，每日買早報最多動用$5,000，最少$1,000，逢周二、五見報。
周中焦點
星期三1 鹿島鹿角vsFC上海
鹿島鹿角是首輪亞冠盃分組賽中，唯一未能贏波的日聯球隊，今仗回師主場，憑日聯揭幕戰淨勝浦和紅鑽2:0佳績，FC上海能否保住小組不敗？
星期四3 辛尼特vs烏甸尼斯
衞冕歐協盃的辛尼特，16強首回合竟作客輸0:2，今次主場勢必傾力反撲；而烏甸尼斯貴為今季意大利最後歐洲賽希望，又能否頂到尾？