經濟不景，唔少金融機構都縮減慈善捐款，搞到好多慈善團體為撲水而頭痛，但里昂繼續做善事，今日係一年一度嘅「主席信託基金交易日」（Chairman'sTrustDealingDay），佢哋會將全日淨交易佣金，全數捐去里昂主席嘅信託基金作慈善用途。
呢個主席信託基金喺06年成立，目的係紀念兩位英年早逝嘅創辦人JimWalker同顧家利（GaryCoull）。為咗令捐款一分一毫都落到有需要嘅人手上，里昂會負擔晒信託基金行政費用。
信託基金主要幫助亞洲同非洲有需要嘅人，亦會撥款賑災，好似舊年就幫過四川大地震災民。既然咁有意義，里昂客仔不妨撥多幾個輪支持吓。