由吳彥祖主演嘅《新宿事件》將於下月上映，一向白淨靚仔嘅佢喺戲中挑戰演技，化身港版「爆粗Band友」。劇情講述吳彥祖為友情而惹上殺身之禍，更被迫整容，因而性情大變，佢將塊面髹白咗同畫眼線，仲戴上一個白色爆炸裝假髮，造型駭人。吳彥祖起初都好唔習慣，佢話：「每日都要化成3個鐘頭妝，化妝品又好厚，搞到我敏感出紅點，不過都係值得，因為要配合番角色嘅性格。」