李逸朗昨晚到銅鑼灣出席首映時透露剛由日本返港，他說：「我喺香港過海關時，兩次要除鞋，兩次搜行李，另外仲要搜身。去到日本，雖然我護照填職業係文員，但我哋成班後生仔都俾海關查得好嚴，係咁搜我哋行李，連內褲都攞晒出嚟，真係有啲唔開心同，十足身體檢查咁。」不過李逸朗表示都很擔心兩人，希望大家給予機會他們改過。
與關楚耀屬同一唱片公司的孫耀威，昨日到美孚出席活動時說：「我同佢好熟，希望佢冇事，年輕人都有機會做錯事，但佢都受到教訓同懲罰，如果佢返香港我會捉佢傾偈。」
建議轉行
關楚耀契爺譚詠麟的好友陳百祥昨晚出席晚宴，他表示關楚耀小時都曾經跟他們去滑雪旅行，他說：「養不教契爺之過，上一輩要做得好，做個榜樣。講笑咋，佢細個我就識佢，佢係個冇問題小朋友，但家有錯就要自己承擔。我唔覺佢條路難行，佢未必一定要做呢行，佢讀咁多書，洗碗都可以出狀元。」
採訪：何慧斯、何永寧
攝影：陳慧安