湯盈盈昨日因醉駕被判社會服務令及停牌，但毋須入獄。早前亦因醉駕被定罪的謝天華昨日開工為新劇試造型，當他得知湯盈盈判決時坦言為她鬆一口氣，謝天華又指盈盈身邊多人樂意擔任柴可夫，故此不需為她操心。至於判決是否太輕，同劇的張可頤表示候審時已夠佢哋驚，故深信他們不會再犯。
醉駕的湯盈盈昨日上庭，結果她被判社會服務令、罰款及停牌，但毋須入獄。日前謝天華同樣因醉駕而被判緩刑一年和停牌18個月，昨日他到將軍澳電視廣播城開工，為新劇《老公萬歲》試造型，問到好友湯盈盈判決時，謝天華直言一直有留意新聞報道，他說：「開心佢冇事，希望佢盡快投入工作，同我一樣吸取教訓，唔可以再犯，全港市民都監察住。」
謝天華：判決公平
問到會否覺得盈盈的判刑較輕？謝天華表示大家案件不同，但他尊重法官，相信判決公平公正。而昨日謝天華由司機接送返電視城，問他會否為湯盈盈物色司機？他表示：「佢都有助手，另外大把人車佢，我身邊好多朋友都問要唔要車我，我覺得好sweet。」
病癒後返無綫拍劇的張可頤說：「之前我都戥佢同天華擔心，佢哋知日後點做，我相信法官係公正，其實候審時都夠佢哋驚，小學生唔可以犯大過，小過都唔可以，所以佢哋唔會再犯，天華都即時請司機，咁快真係好有誠意。」
苗僑偉見到記者亦主動問湯盈盈判決，得知後他表示：「小示懲罰，大家都知飲酒唔好揸車，加上有傳媒報道更加有警惕作用。我自己如果去飲酒食飯都會坐的士。」
苗僑偉：最好教訓
苗僑偉直言湯盈盈幸運地被判社會服務令，他稱：「如果真係要坐監都幾傷，社會服務令都係最好教訓，畀佢有機會服務社會。」
採訪：卓寶花 攝影：林德雄
小八卦：3萬人潮捧Laughing哥
謝天華在劇集《學警狙擊》中飾演Laughing哥（梁笑棠）而大受歡迎，其fans更在Facebook開立「Laughing哥」組群，廣納一眾喜愛Laughing哥的fans，數日內已有30,000多人加入。而明天將播出Laughing在劇中被殺死一幕，更有人發起「唔准Laughing死簽名區」，亦有人提議無綫應乘勢開拍《Laughing哥前傳》。
