經濟差引發飲食業倒閉潮，連帶地產經紀都面對租務交投冷清。要突圍惟有靠食腦同創意，噚日有讀者醒咗張相畀華華，質素雖然麻麻，但背後嘅故事就道盡求變求存嘅香港人特質。據講幅相喺油麻地影，讀者見到間吉舖掛咗個招租牌，上面寫住「順流逆流飲食永遠是主流，逆境順境是你創造新環境，成套餐廳助你發財展鴻圖，祇付按金上期便即搵真銀」，咁好文采，希望下手租客承佢貴言大展鴻圖。