花旗股市嘅反彈有番啲勢，上禮拜五繼續推上，話知數據麻麻，咁即係話技術上花旗股市仲有炒上空間。不過，嗰邊經濟咁差，大家都唔會睇得太好，但碰啱港股炒上，花旗股市回升，肯定對港股有幫助。
滙控（005）除權之後越造越好，睇嚟要上番40元冇乜難度，滙控造好，港股可以睇好啲，不過炒短線嘅吸引力，都係H股大啲。
工行C輪15511：工行（1398）上周五收3.35元，升5巴仙，成交大增。股價升破20日線，上試位處3.44元嘅50日線，若升破就有機會試3.63至3.80元，可以諗吓隻C輪15511，現價49仙，有效槓桿3.7倍。
正股升上3.80元，15511睇76仙，約有5成升幅，正股跌穿3.17元，就沽咗隻輪止蝕。
俊樺