黃秋生和張家輝前晚到演藝學院欣賞舞台劇《你咪理，我愛你，死未？》，身為陳冠希契爺的秋生甫見記者即衝入廁所。及後有記者指任賢齊想叫他代買避彈衣，秋生黑面說：「我唔係做軍火，我做演員o架。」隨後秋生接受電視台訪問時說：「啲癲佬周街周圍都有，使乜理，係我就即刻開記者會，乜彈都攞晒出嚟。」張家輝則說：「如果有人對Edison不滿，原唔原諒佢都好，唔好用咁激進手法，大家可以罷睇佢嘅戲。」
此外，農夫昨晚表示沒有就恐嚇信一事致電Edison，他們說：「係蓄意恐嚇，唔合法，應該唔會夠膽有實際行動。」小齊表示未知會否出席新加坡《神槍手》宣傳活動，問他與Edison同場會否擔心安全問題，他說：「OK啦，都唔知會唔會同佢一齊宣傳，其實呢啲台灣都見慣，冇想像中咁恐怖。」
而張栢芝媽咪昨午返到西環食肆開工，問到Edison接到恐嚇信，她指稱不回應。
採訪、攝影：駱華齡、陳慧安、娛樂突發組