日本女星中谷美紀同男星渡部篤郎嘅戀情離離合合多年，近日有傳兩人打算喺7月拉埋天窗，為此渡部喺今個月頭已轉到中谷所屬嘅事務所。據知佢哋已經向相熟人士報告婚訊，但到時就唔會舉行記者會。中谷同渡部喺99年合作劇集而發展戀情，之後一度分手，05年渡部同老婆離婚後，兩人又再復合。