割喉戰殺到內衣界　$1尋底

幾時都話女人錢最易賺。少少布的內衣胸圍平時閒閒哋都賣幾百幾千，仍然有不少女士每月都去入貨補倉，就算家陣海嘯殺到都全無影響，仲繼續大把日本、台灣牌子攻港搶灘。不過今次就有Closer逆市而行，趁搬遷前搞清貨，$1賣Under，$100一套內衣套裝，三折掃睡裙。平日一套的價錢等於今日買十套，你仲搵到唔買的理由？

記者：葉雪芯
攝影：梁細權
Model：Geneive@puremodel
Makeup&Hair：Meegan&Becky

$1每人限買兩條

今次開倉的主角Closer，主力以甜美風和款式花巧精緻的內衣打響名堂，大把OL和年輕女生做其Fans，為的都是要買一套Fancy可愛又性感的Lace內衣。由於其所在位置是樓上舖，所以不少情侶就是貪其夠私隱，拍住拖去選購內衣。不過可惜尖沙嘴分店因租約期滿需要另覓新店，即使平時絕少減價，今次都要割喉式咁清倉，一共推出500條內褲出來益街坊，每條只賣$1，每人限買兩條。換句話說，即是每人最少只要$2便可以落樓！若然想買多幾條$1內褲，不妨選擇以$100買胸圍連內褲的內衣套裝，咁每人就可以多買十條內褲，款式超過廿款，絕不欺場。至於睡裙方面亦有三折，最平百零蚊搞掂。平的程度，恕我詞窮了，只能用「驚嚇」二字去形容，呢鋪認真是跳樓價。

■桃紅Girdle款式內褲$1

■黑色×粉紅Girdle款式內褲$1

■黑色Lace內褲$1

■粉紅色豹紋邊內褲$1

■黑色×桃紅色Lace內褲$1

■白×藍波點內褲$1

■粉紅色×黑色Lace內褲$1

■紅×黑Lace蝴蝶結T-back內褲$1

■紫色LaceRufflesT-back$1

■桃紅×白LaceRuffles$1

$100一套美日內衣

家Shopping最緊要平，惟獨一樣係令女士們多多錢都願意付出嘅，就是內衣。對於女士來說，內衣是最貼身的時裝，咪以為少布就可以賣得平，最值錢的莫過於Cutting與用料，能否突顯女性的美好身材，通通靠一個Bra來展示。Closer平賣內衣，並不是隨便搵山寨牌子撐場，$100一套的內衣中，有不少是日本、美國來路內衣，當中最值得留意的是少見的日版Triumph，在香港就算是專櫃都搵唔到，即使去到日本親自入貨，起碼都要放低三、四百蚊先有交易，家陣只需3價錢已可帶返歸，絕對超值。