公民黨陳淑莊噚日下晝3點半，喺YWCA基督教女青年會麥當勞道總部間餐廳園景軒開居民大會，討論堅尼地道行人天橋問題，點知開會前，YWCA突然指呢個居民大會係「政治活動」，不能喺餐廳內舉行。
陳淑莊怒斥YWCA離譜，佢真金白銀用2,500蚊包場開居民會，表明係議員辦事處活動，有多個政府部門代表出席，如果YWCA有異議，應該早響，冇理由突然喝停，佢又質疑YWCA政治審查，「原來除咗澳門，本地嘅NGO都封殺我哋。」
經一輪擾攘交涉，YWCA終開綠燈，發言人解釋，由於去年選舉期間，曾發出指引規範政黨或候選人租用該會場地，前線員工誤以為有關指引仍然適用，先至鬧出呢次風波。