上周日西甲7場賽事都開大波膽，所以今次亦選中一場西甲賽事嘅冷膽作為穿雲箭場次，再博日職聯嘅「入球王」廣島三箭可以大勝而回，實行小注博大利。
愛斯賓奴對馬略卡之戰，兩隊都為咗護級而戰，目標鮮明，尤其係愛斯賓奴暫時排包尾，今仗主場一定搏盡，唔會再保守，大打進攻足球，咁嘅形勢就最啱博大波膽。其實，愛斯賓奴有一定入球能力，作客對住巴塞隆拿都曾經攻入過兩球，而對手馬略卡亦係西甲失球偏高嘅球隊，上仗主場就同貝迪斯打成3:3平手，今次撞正急於進攻嘅愛斯賓奴，博翻冧3:3波膽。
日職聯就揀廣島三箭主場贏大宮松鼠4:1，前者雖然今季先升番上甲組，但第1場聯賽就顯示佢哋上季喺日乙聯嘅銳利攻擊力，以作客以4:2擊敗橫濱水手，以佐藤壽人、森崎浩司等為首嘅三箭，主場經常能夠有3個入球或以上，而升班後首仗亦有4個「士哥」，料主場唔會入得少，4:1有成24倍，諗得過。
洛辛堡主場穩贏兩球
至於新一季挪超喺今周開波，周日就有6場賽事，個人認為上季失落聯賽錦標嘅傳統勁旅洛辛堡，今季會有所作為，首場對住上周喺挪超盃輸波嘅華拉倫加，主場贏波唔會有太大問題。據報今季新加盟嘅射手特羅德奧臣狀態唔錯，夥拍住老牌前鋒艾法臣，預計可贏兩球。文：戰鬥員A