好多人以為長毛只識上街、掟蕉，其實佢感情十分豐富而且細膩，前晚佢接受商台《嘩！嘩！嘩！打到嚟！》訪問，大談性、愛經驗。長毛自言13歲就暗戀女仔，之後談過多次戀愛，但好少追女仔，因為只要雙方有意思，自然就會行埋，「好少拍拖過程，送花、睇戲嗰啲好少做。」
長毛好似只對鬼妹有興趣，佢謙稱「係香港女仔對我冇興趣。」除咗同前妻一段情，長毛話多年來印象最深刻嘅，係十幾年前喺英國識咗個女仔，兩人喺酒吧搭上後onenightstand，之後個女仔問佢係乜嘢人，長毛話「我係馬克思主義者」，對方都唔弱，形容佢係「恐龍」。長毛強調自己唔啱一夜情，亦唔鍾意搞社運時追女仔，「追到就好，追唔到就好大鑊。」