自從搬咗屋之後，自己多咗同「泥鯭的」接觸，以前聽啲朋友話好憎坐呢啲的士，因為同陌生人坐到好迫咁，俾人霸咗坐一大截又唔敢出聲。
我就啱啱同佢哋相反，覺得「泥鯭的」價錢合理兼幾夜都有得搭，我更唔怕隔籬嗰個人坐晒個位，我例牌一個膊頭或一隻大髀「得」埋去推開佢，仲試過同佢哋講：「坐晒呀?」其實畢傑唔係霸道嘅惡爺，只係大家畀一樣錢，互相讓吓咁先公道嘛。不過，我最憎坐前排中間個位囉，堅迫！
周四放工同班舊同事飲嘢，見番卡斯、鹹忠、戰靶暢、殺手同Roy狗佢哋，真係好開心。同佢哋傾開賭波心水，所以今期唔衰得，要桑坦德W。
主客和：桑坦德勝
心得：護級戰捧隊勁啲嘅
近5場往績：LWWLW
畢傑
哥連泰斯將是朗拿度嘅最終站，但無論呢個死肥仔去到邊度，我永遠最愛係佢。