噚日明明係愛女兩歲半生日，特登攞假同佢慶祝。點知女兒偏偏喺呢個日子患病，發咗幾日高燒，藍鑽石同老婆折騰好幾日、出入診所好幾次，謝晒，周中兩晚歐聯我都係捱住睇。呢排大人細路都易病，奉勸各位加倍留神！
雖然係咁，但喺囡囡患病過程中都唔係冇得着，至少再次體會發燒某程度係大家嘅「老友」，代表身體同病魔打緊仗，只要贏到就乜事都冇。
意甲球隊喺歐聯全軍盡墨，長遠睇就好似病魔入侵，一於同佢打場仗，總有一日會好嘅。正如卡利亞里季初衰到排榜尾，到家陣歐洲賽都有機會踢，今日對熱拿亞有得贏。
讓球：卡利亞里（平）
心得：續用自己意甲貼士
近5場往績：WWWLW
藍鑽石
與簡拿華路同日出生嘅囡囡入學，今季大把時間睇波，尤其係意甲。