上期講開《小雙俠》意識大膽，戰友青蛙仔即刻話其實當年三色台播嘅卡通片中，意識最大膽嘅應該係《淘氣小雪兒》，佢仲話套卡通因為咁播播吓被腰斬o忝！由於當年我覺得《淘氣小雪兒》無論係故事抑或角色人物，都實在有抄襲另一套卡通片《小甜甜》之嫌，而且畫功又一般，所以冇乜點睇呢套卡通，青蛙仔咁講，惟有信佢啦！
講番推介，上期終於憑卡迪夫城勝出攞返個W，今期本來諗住乘勝追擊，再追卡城作客可以擊敗布里斯托城，不過衰在場英冠喺周日先踢，我個人又較為心急，所以最後都係揀周六嘅荷甲海倫芬迎戰鹿特丹斯巴達可開「大」，因為海倫芬嘅鋒力實在勁。
大細：海倫芬大
心得：海倫芬攻力強
近5場往績：WLLDL
吾中
買嘢講名牌，但賭波一定唔會做名牌奴隸嘅大聯盟女神。