無綫陳總個《志雲飯局》跳出公仔箱登上紅館，為生命熱線籌款，前日佢拉大隊喺老銅做宣傳，邀請多位嘉賓撐場，場面好熱鬧。高層出動，做細嘅不敢掉以輕心，派出三隊攝影隊十人八人做嘢，咁先襯得起陳總風範嘛。
嘉賓之一魔童王維基見到咁大陣仗，表現驚訝，同陳總講：「嘩！咁犀利呀！」據稱在場人士聽到時都不以為意，點知陳總卻懶風趣咁答：「係咩？乜有咁多人咩？唔係炒晒喇咩！」呢個時候，企喺度嘅三色台員工無不面青滴汗兼啞晒，魔童同陳總一唱一和，兩人都面有得色一齊「哈、哈、哈」。TVB一直籠罩裁員陰影，六嬸又唔肯承諾不再炒人，陳總呢個爛gag唔知佢哋笑唔笑得出？