LCDTV界巨人Sharp，新公佈推出65"巨無霸級AQUOSLC-65XS1M；玩FullHD、對應1080i/p就走唔甩，最強係玩埋全新RGB-LED背燈，可獨立控制紅綠藍三原色，作局部光源及色彩層次變化！故動態對比度最高能推上1,000,000：1，絕對係近期LCDTV界巔峯作。玩得咁高規格，所採用嘅低反光超視覺BlackTFT顯示屏，當然係日本總壇龜山出品；加埋個10-bit信源處理器，LC-65XS1M最高可顯示10億種顏色，影像份外色彩奪目兼層次分明。
另外新增嘅100Hz/120Hz雙倍掃描圖象處理器，絕對係睇電視恩物；因為佢將傳統電視每秒50（60）幅的影像，倍升至100（120）幅，優點係有效防止畫面在快速移動時，出現模糊或窒格情況，睇動作類電影就最啱！至於機價亦係富豪級享受，新機作價$148,800！以呢個尺寸算可以接受；不過屋企客廳都要有位放得落，咁先顯得出你身份尊貴嘛！