鞏俐向來是時裝騷稀客，前日她卻現身巴黎時裝周，雖然一身密實谷爆恤衫配豹紋腰封look，依然成為全場焦點所在，時裝紅人MarcJacobs與品牌CEO也爭相款待，氣勢如皇后出巡，十分威水，搶盡《第五元素》女主角美娜祖華維茲（MillaJovovich）的風頭。
法國巴黎時裝周接近尾聲，超級名牌LV前晚（即巴黎時間12日）舉行09/10秋冬時裝騷，如常吸引不少名人明星慕名睇騷，當中包括盛傳將參演王家衛執導電影《一代宗師》、飾演掌門人一角的鞏俐，電影《第五元素》（TheFifthElement）女角美娜祖華維茲及行政會議成員葉維義太太葉梁美蘭，也齊齊以VIP身份睇騷。
時裝騷稀客
鞏俐一向是時裝騷稀客，前晚她穿上一件密實恤衫襯牛仔布闊褲示人，再低調地以豹紋腰封凸顯谷爆上圍，玲瓏浮凸，曲線迷人，即時成為全場焦點，LV主帥Marc哥MarcJacobs及品牌CEOYvesCarcelle更齊齊迎接她，鞏俐戴上豹紋腰封的纖腰，更吸引Marc哥伸手輕攬，東方性感女神魅力果然不可少覷，氣勢猶如皇后出巡。
此外，時裝迷葉梁美蘭前晚盛裝赴會，手上更戴了價值達30萬元的LVmonogram花形切割鑽戒，問到她面對金融海嘯，會否收緊荷包shopping時，她說：「其實今次嚟巴黎主力係買Balmain，不過啲嘢好貴，起錶價都成4萬幾，我睇中一件紗裙成20萬，不過都冇買，睇吓老公面色黑晒，面又緊晒，都識收手，佢做咗官職，都知多咗內情，佢都多咗煩惱，喺出面都有人向佢掟蕉，不過佢都話個市出年好番。」
採訪：梁錦貞
攝影：葉君海
