在70年代演活掃街茂一角的無綫製作主任李添勝（戲劇科），其60歲姓吳妻子昨晨9時許，駕駛豐田私家車，由西貢相思灣村寓所外出買餸，她沿相思灣路上斜出村，駛至與清水灣道交界的單程來回線時，與一部本田私家車迎頭相撞，李妻舂前撞軚盤撞爆嘴角流血受傷。
李添勝接獲妻子通知趕往現場了解事件，其妻在場頻呼：「架車好快衝落嚟！」對方司機則稱落斜時已煞掣，但仍相撞，兩車車頭損毀，李妻獲送院治理，李添勝開走肇事私家車，稍後到院探望妻子時表示：「我哋喺相思灣村住咗好耐，對呢段路好熟o架，有晒讓路同指示牌，不過外人入嚟做嘢可能唔熟路啦！」
此外，記者昨日致電李添勝，他說：「我當時唔喺車上邊，我一收到消息就趕去醫院。太太撞爆個嘴，縫咗6、7針，家冇乜大礙。」
採訪、攝影：黃學潤