筆者對於迷你足球獎盃情有獨鍾，世界盃同歐洲國家盃這兩項世界最頂級盃賽嘅迷你獎盃，都已經成為收藏品之一，尤其喺歐國盃時，喺網上都訂唔到，最後靠朋友喺奧地利帶返嚟。
最近從網上發現有本地球衣專門店引入歐聯獎盃，而且後面仲刻住各屆嘅冠軍隊伍，都幾有紀念價值，因為仲未有時間走到旺角上舖頭睇，所以唔知幾多錢，但隻獎盃唔算迷你，資料上話都有成40厘米高，如果要入貨，真係要諗諗有冇位擺至得！
今周重頭大戰當然係曼聯對利物浦，以紅魔踢到順晒，利記真係好難作客贏佢哋，況且主場往績又贏一截，都係捧曼聯W。
主客和：曼聯勝
心得：曼聯主場往績佳
近5場往績：LWWLL
戰鬥員A
同足球有關嘅周邊物品都鍾愛，賭波就專攻日職聯。