憑性感出位的女子組合Freeze和黃榕，前晚演出內衣騷，雖然Freeze的陳樂榣和甄穎珊出盡法寶谷胸大玩SM上陣，可惜卻不夠黃榕僅穿毛毛披肩黐黑色心形乳貼露半球搶鏡，加上同場的外籍模特兒以T-back現身，場內肉光四射。
性感出位的女子組合Freeze及黃榕，前晚到中環擔任模特兒行內衣騷，Freeze成員石詠莉因腳傷無法上台，只能穿上低胸裝做座上客捧場，石詠莉笑說：「我知佢哋會好激所以嚟捧場，平時我都見佢哋唔着衫，陳樂榣身材好好有前有後，我就只有前面。」
陳樂榣及甄穎珊先後穿上多套性感內衣及制服演出，兩人谷胸上陣，上圍睇頭十足。雖然陳樂榣和甄穎珊相當賣命，可惜風頭卻被黃榕及同場模特兒搶盡，黃榕先穿透視內衣，內裏只黐上心形乳貼，尾聲時她更真空上陣，僅黐乳貼露半球外披毛毛披肩，若隱若現，台下即時歡呼聲不絕，而外籍模特兒更以T-back出現，肉光四射。
綵排甩乳貼
事後黃榕表示：「我只係黐咗乳貼，好驚，搞到個心卜卜跳，今次係非常極限，綵排時我只黐乳貼冇披肩，但點知乳貼甩咗，我即時要大會加大乳貼，但臨出場時都係接受唔到，臨時先加披肩。」她為保安全，更穿了兩條T-back上陣再黐滿膠紙，絕不走光，而她坦認今次酬勞相當滿意。問到陳樂榣是否性感極限？她笑說：「唔算，價錢啱嘅話少啲布都OK。」
石詠莉踢爆兩人在家坦蕩蕩，陳樂榣表示只是沒有戴bra，她們又坦言曾因慳時間而三人一同冲凉，問到會否變成同性戀？甄穎珊笑說：「冲凉啫，同性係冇關。」
採訪：楊潔雯
攝影：林德雄
