日本過氣音樂教父小室哲哉昨日早上為5億日圓（約4,000萬港元）詐騙案出席二輪公審，avex社長松浦勝人都有出庭作證，佢喺庭上話唔敢相信小室涉案，仲話大前日已經借咗6.5億日圓（約5,200萬港元）畀小室，等佢連本加賠償還畀受害人，松浦仲喺庭上大讚小室以往對日本流行音樂嘅貢獻，希望法官能對小室輕判。