無綫新劇《金錢誘罪》近日改名為《富貴門》，噚日劇中一班演員包括（左起）羅嘉良、袁詠儀、馬德鐘同陳敏之喺將軍澳電視廣播城為劇集改名舉行記者會，早前入院做手術嘅薛家燕仲休養緊未有現身。監製莊偉健整咗個牌匾慶祝，但係個個演員都唔知點解要改名，監製就話唔關演員健康問題而改名，主要係因為呢個名同劇集比較脗合喎！