「肥哨」朗拿度（左）好勁呀！3屆世界足球先生朗拿度，繼早前喺聖保羅州聯賽完場前建功，幫哥連泰斯迫和彭美拉斯後，前日又有進賬！話說周三歐聯當道，今時今日嘅「肥哨」只有懷緬；歐聯冇佢份踢，惟有降格踢聖保羅州聯賽。朗拿度51分鐘嘅奠勝入球，助哥連泰斯主場反勝聖卡坦奴2:1，連續兩場有「士哥」，睇嚟佢喺巴西開始得唔錯喎！