醫管局畀病人食發霉藥「別嘌醇」，引起公眾恐慌，連議員、特首都受牽連。呢隻藥用嚟控制痛風症病情，偏偏痛風症係富貴病，所以隻藥有事，好多權貴都中招，地產及建造界議員石禮謙係其一，佢話知道要換藥都好意外，估唔到咁大間藥廠都出問題。
據講煲呔亦係受害人之一，06年佢出席公開活動時，曾透露患上痛風症好多年，每日要服食三粒藥丸控制病情。今次換藥安排，煲呔是否受影響，特首辦話對於特首私人事務，沒有評論。雖然藥丸含有毛霉菌可以食死人，不過專家話只要病人抵抗力夠就冇大礙，如果煲呔真係長期服食，又冇異樣，證明佢抵抗力都幾好，身體冇大毛病。