數據提示：紅鑽主場食硬東京
星期六3 浦和紅鑽vsFC東京
簡評：開鑼戰0:2不敵鹿島鹿角的浦和紅鑽，近4季第2周聯賽勝率同樣低，僅1勝2和1負；不過往績就絕對一面倒，近6次主場對FC東京錄得全勝。
數據提示：般尼戰森林旺「細」
星期六28 般尼vs諾定咸森林
簡評：般尼近6次迎擊諾定咸森林得3勝1和2負，雖然勝和負參半，但當中入球大細較易捉，共開出1「大」5「細」；至於森林作客輸波率頗高，19戰輸10場。
數據提示：列斯聯主場6連勝
星期六42 列斯聯vs史雲頓
簡評：列斯聯連同上周4:0大炒伊奧維，主場已錄得6連勝紀錄，而近6次迎擊史雲頓亦得4勝2和，往績同有優勢。21位的史雲頓作客和波率頗高，9「大」8「細」亦冇路捉，宜避開買入球大細。
數據提示：三箭近績食住松鼠
星期日6 廣島三箭vs大宮松鼠
簡評：以去季日乙冠軍這超班氣勢升班的廣島三箭，開「咧」戰即作客4:2擊敗橫濱水手；三箭主場除10連勝之餘，近5次迎擊大宮松鼠亦得4勝1負。
列斯聯射手比基奧（左）近3場入兩球腳風順，主場不愁攻力問題。GettyImages