港交所（388）公佈3月23日起取消收市競價時段。其實大戶屢次在收市競價時段公然嘜價造市，早已惹起民憤，社會上不斷有聲音叫廢除，只係港交所一直當香港股民冇到，今次因為滙控（005）嘜價事件搞到政府高層高調關注，先至急急話取消，香港股民嘅利益究竟靠邊個保障？
港股重返12000收市，但成交則大縮至285億元，為近期新低。星俠相信，市場短期仍受滙控供股影響，大市成交難有起色。
伺機炒一轉
炒燶外滙的中信泰富（267），由去年10月高位約23元水平一直狂插至3.66元才止瀉，其後因為得到母公司中信集團出面收拾殘局，股價才由低位回升至今年初的13.20元水平，其後出現回吐，近期最低7.18元。
憧憬注資行動將至，中信泰富昨急升7.4%至7.72元，估計仍未炒完，可吼回吐至7.50元水平買入，短炒目標9元，跌穿7.18元止蝕。
方星俠