黑氣持續，繼我唔將大阪飛腳放重心，錯揀費倫天拿後，連牛兄推介嘅川崎前鋒都贏唔到兩球，搞到我哋一門雙傑俾同事寸足成個禮拜。為表誠意，今期早飛揀番最熟嘅西甲作過關，望命中率提高，重心必取星期日貝迪斯主場贏奧沙辛拿。
早說過貝迪斯自簽入巴西射手奧利華拉後，球隊攻力得到正面提升，近6場聯賽入咗12球，奧利華拉自己都有3球進賬，證明此子回巢幫助甚大。至少攻擊上打生了左翼麥克干沙利斯，另一射手沙治奧加西亞亦重拾射門鞋。
奧沙辛拿防線唔掂
傷兵方面，貝迪斯問題不算嚴重，除威廉利馬及桑馬高美斯兩名因傷缺陣外，其餘主力可悉數盡出，而卡比及路爾斯伊度等人又已傷癒，係時候喺呢場「6分波」嘅護級大戰，主場贏出漂亮一仗。
排18位嘅奧沙辛拿處於降班區域，繼早前保持4場不失後，狀態又開始回落。上周主場對住希杭亦要輸1:2，破蛋只係來自12碼，防線又開始唔掂。我信貝迪斯嘅入球能力，讓平/半，上盤照捧；考慮到客軍有射手彭迪安尼同隊長古查加復出，兼顧2倍「大」。
重心不作詳細介紹，寧多着墨幾條配腳。桑坦德主場已6場不勝，博反底正合時，因今周強陣主場對紐文西亞，有大勇嘅施積壓陣，1.6倍主W及2.7倍「主勝」俱可捧場。
維拉主場o趙硬熱刺
再揀法甲賽事，由次席巴黎聖日耳門迎擊第3位嘅馬賽。兩者周四齊齊要出戰歐協盃16強首回合，但聖日耳門嘅對手為布拉加，相比起馬賽要對阿積士來得容易，周日又有主場之利，讓平/半揀上盤。最後玩埋英超，要力保前4嘅阿士東維拉相信唔會再失威，主場對唔識作客嘅熱刺，1.88倍單W捧硬。文：畢傑
早飛王貼士
星期日34 貝迪斯vs奧沙辛拿
首選：貝迪斯（上）（1.83）
次選：貝迪斯大（2）
冷選：貝迪斯勝3:1（15）
早飛倉
主菜：星期日34貝迪斯（上）（1.83）@3,000
渾水摸魚過關：
星期日33阿士東維拉勝（1.88）x星期日34貝迪斯大（2）x星期日38桑坦德勝（1.6）x星期日56巴黎聖日耳門（上）（1.92）4x1@500
今日早餐價錢：-$3,500
上日賺蝕：+$130
早飛倉結餘：$76,051
規則：$100,000本錢，每日買早報最多動用$5,000，
最少$1,000，逢周二、五見報。
周末焦點
星期六14 曼聯vs利物浦
周六英超超級大戰，更安排在8:45pm的早場上演，曼聯與利物浦俱在歐聯16強展現霸氣，前者淘汰國際米蘭，後者技術擊倒皇家馬德里，這場「雙紅會」將影響今季英超盟主地位。
星期日21 車路士vs曼城
全英超最富豪的球會對決。剛晉級歐聯8強的車路士有杜奧巴大勇，新帥軒迪克上任後未嘗一敗，看其戰術運用已值回票價；曼城有羅賓奴傷癒，勢以一人之力抗車仔大軍。
星期日51 馬德里體育會vs維拉利爾
兩支剛戰畢歐聯16強的馬德里體育會及維拉利爾命運迥異，前者被波圖淘汰，後者則挫彭拿典奈高斯晉級。上季在卡達朗球場維拉利爾勝4:3，精采萬分。