花旗股市禮拜二勁升之後，前晚反覆企穩，道指最後微升3點，對噚日港股冇乜刺激。
滙控（005）嘅世紀大供股繼續上演，噚日除權，股價反覆造好，不過成交就縮咗好多，為咗避免再有U盤大幅嘜低滙控嘅事件，港交所（388）決定取消U盤時段，可算係一個明智嘅決定，不過家投資者嘅信心麻麻，對大市成交幫助有限。
平保C輪15274：平保（2318）昨收40.75元，升2.5巴仙，前日股價先高後低，走勢轉淡，不過噚日有大行唱好，股價即刻企番穩，睇技術走勢，股價若升破44.50元有機會推向48元，可以諗吓隻C輪15274，隻輪昨收11.4仙，有效槓桿2.2倍，正股升上48元，15274有機會見16.1仙，正股跌穿37元，就沽咗隻輪止蝕。
俊樺