東亞銀行（023）噚日正式公佈高層人員變動，一如坊間所料，李家第二代、該行主席兼行政總裁李國寶兩位公子民橋同民斌，正式由總經理升做副行政總裁。現時主管個人銀行業務嘅總經理唐漢城，亦榮升副行政總裁兼營運總監，投資總監李繼昌則擢升為副行政總裁，4月1日履新。
至於年屆60歲嘅執行董事兼副行政總裁彭玉榮，就會喺股東大會後榮休。服務咗東亞逾廿載，過檔瑞安房地產（272）做董事總經理兼財務總裁嘅尹焰強，就會喺嚟緊嘅星期日離職，由鄭則民接任做集團財務總監、總經理兼策劃調控處主管。
被視為寶哥哥接棒人嘅民橋同民斌，日後分別掌管香港及中國業務，Brian（民斌）仲兼管國際業務發展。