日本女星廣末涼子憑奧斯卡最佳外語片《禮儀師之奏鳴曲》人氣反彈，喺改編自推理作家松本清張嘅新片《零的焦點》入面擔正。廣末上月尾去咗韓國拍外景，內容講述二次大戰後，廣末為找尋失蹤丈夫而捲入一連串嘅事件，當日佢以一身懷舊打扮示人。廣末話自《禮》片之後再拍新戲，令佢覺得好大壓力喎。新片預計會喺秋天上映。