現年72歲的謝賢（四哥），老當益壯，雖然已超過20年沒拍廣告，最近獲王賢誌邀請成為健康食品代言人，在鏡頭前示範舉啞鈴健身，但就堅持要戴上墨鏡。四哥keepfit之道，除了少吃多餐，平時會在家中勤做拉筋。
已有逾20年沒有在港接拍電視廣告的謝賢，近日獲王賢誌力邀出山，擔任其公司新代理的內地健康食品「古漢養生精」代言人。
少食多餐最健康
王賢誌早前還與四哥到湖南所設的健康食品廠參觀和拍攝廣告花絮，四哥在廣告花絮中繼續以型佬造型亮相，為了展示精力旺盛，還示範舉啞鈴健身，可是卻不改貪靚本色，堅持戴着墨鏡。
為何四哥這次肯接拍廣告，他昨日在電話中說：「我唔係個個廣告都拍，自己真係做過『白老鼠』，試過先敢介紹畀人。」問四哥平時怎樣keepfit？他說：「我平時好少去健身院，最多喺屋企自己拉吓筋，飲食盡量少吃多餐。」
這次是王賢誌自07年離開無綫後，打理家族生意的首項重任，他會負責產品市場推廣和斟洽代言人事宜，至於何以起用四哥時，王賢誌日前說：「我哋需要搵一位成熟型男士，覺得四哥好適合，佢雖然已72歲，仲keep得好好，睇落完全唔似咁大年紀，加上我哋屋企同四哥好熟，所以決定搵四哥幫手。四哥話佢自從80年代嗰個科藝電器廣告之後，起碼成20幾年冇喺香港拍電視廣告，四哥好爽快答應。」據悉四哥今次酬勞接近7位數字，王賢誌說：「當然係重金禮聘，但酬金多少唔方便透露。」
栢芝淫照冇困擾
栢芝日前就淫照事件首度開腔，令四哥一度成為傳媒追訪焦點，未知四哥到湖南工作期間可因家事而感到困擾？王賢誌說：「完全冇，四哥全程都好開心。」
採訪：戴彩煥