Chanel昨日在中環開騷，搭建出巴黎總壇專門店的外貌，模特兒示範融滙香奈兒經典與現代氣息的新裝，更有孭結他的華麗吉卜賽Chanel女郎行catwalk。曾與小小超李澤楷傳緋聞的陳碧舸有份行騷，她透露將出散文集，但不會搵李澤楷寫序。
殿堂級名牌Chanel昨日在中環舉行09春夏時裝騷，由10位模特兒示範新裝。CocoChanel女士在1928年買下Chanel巴黎總壇31,RueCambon，時裝騷特別將會場搭建成RueCambon總店的白色外貌，模特兒就像從店內走出來。
今季服裝輪廓修長，不乏露膝短裙，Chanel女士最愛的黑、白、灰、粉紅等顏色雲集，經典的tweedjacket、tweeddress加入幾何線條、珍珠lace等，今季另一浪漫主題是華麗的吉卜賽風情，閃耀的荷葉邊與floralruffles長裙，一字露肩及修長曳地，背上結他等，高唱香奈兒的浪人之歌。
陳碧舸做才女
曾和小小超李澤楷傳緋聞的模特兒陳碧舸（Bonnie），剛由北京回來行騷，她透露即將出書：「係記載生活點滴、一啲印象深刻事件嘅散文，我平時都有寫開blog。」她謂會找一些特別的人寫序言，問她會否包括李澤楷？陳碧舸說：「佢唔係太識中文。」問她可有興趣拍電影？她說：「睇戲份啦，之前都有製作公司畀過劇本我睇，但我覺得自己唔夠自信，都係行多啲騷，增加自信先。我身形較高，比較難搵對手。」
採訪：RitaLeung
攝影：DickyChan
