花旗股市人心虛怯，前晚試過反彈，但係高位冇承接，結果又係掉頭低收，通用汽車申請破產保護機會越來越大，道指好大可能要質落6000關。至於AIG，管理層交咗啲秘密文件畀政府，話如果唔救佢哋，後果會嚴重過雷曼，睇嚟唔救唔得，即係話花旗政府要繼續填呢個冇底深潭。
滙控（005）反彈上37.60元收市，恒指升番349點，滙控即將除權，今日可以睇高一線。
中行C輪15553：中行（3988）昨收2.19元，升近1%。股價早幾日上試100日線，之後就橫行，但係個勢幾好，有機會破關炒上，可以諗吓隻C輪15553，現價20.5仙，有效槓桿5.3倍，正股升上2.40元，15553睇32.5仙，正股跌穿2.10元，就沽咗隻輪止蝕。
俊樺