港股昨日靠滙控（005）反彈而造好，上升349點，報11694，但成交萎縮至334億元。經過前日滙控在U盤時段遭掟至33元，這一「嚇」對不少近期分段撈貨，諗住短炒或想跟風供股的散戶，震撼力可謂非同小可，估計有人因此放棄供股打算，甚至減持手上滙控股份，因為冇人擔保滙控後市仲會唔會跌。
以目前大市成交觀察，滙控又供股在即，股海「乾塘」情況將更趨嚴重，所以今個3月股市難寄厚望。不過唔炒唔代表「離場」，散戶可留意心水愛股走勢，伺機在低位入貨。
守2.06元博反彈
近期頻遭外資大行減持的馬鋼（323），自去年10月低位展開反彈以來，每逢升上3.20元左右即行人止步，反映該水平阻力不輕。
昨升4.4%，收報2.39元，雖然重越10日線，但若後市未能升上2.60元並企穩，反彈之勢難持久。馬鋼只宜候低吸，候回落至2.06元水平博反彈，短炒以1.80元止蝕。
方星俠