發達夢醒來，人人都回歸平實，尋找最普通，卻最窩心的平民美味──雲吞。高質素的雲吞，皮要夠薄夠滑，豬肉和蝦的比例要掌握得好。幾十年來，雲吞界風平浪靜，革命自乒乓波雲吞後便無以為繼，最近雲吞界終於起風雲，連番茄炒蛋、豬膶粉腸、皮蛋芫荽都可以用來包雲吞，再唔係豬肉加蝦咁單調！
記者：吳允冲
攝影：林栢鈞
20款搞鬼雲吞
「吞食本色」全店獨沽一味賣雲吞，卻有20種不同口味，全部用鮮豬肉做膽，配上各款海鮮或蔬菜，全部都是店主兩母女每日新鮮包，家庭式經營，沒有包裝和明星效應，全靠真材實料，才得以在東大街這食街中站穩陣腳。雲吞size的骰，剛好一口一粒，屬傳統廣東式雲吞的大小，而雲吞皮亦專誠找麪廠訂製，入口又薄又滑。
唔只豬肉加蝦咁簡單！（所有價錢以一碗十粒計）
蠔仔鮮肉雲吞$22
以新鮮蠔仔混合肉餡，滲出蠔仔獨特的海水味。
漁港鮮蝦雲吞$23
棄用河蝦，改以新鮮海中蝦包雲吞，爽口有鮮味。
南瓜鮮肉雲吞$16
南瓜茸的甜味突出，瓜茸又高纖，十分健康。
粟米鮮肉雲吞$16
一口咬下粟米粒會爆出甜汁，口感豐富，最受學生歡迎。
鮑魚鮮肉雲吞$19
鮑魚本身味道個性不強，只有點點鮮味，與普通雲吞分別不大。
鮮蝦蛋黃鮮肉雲吞$23
店中熱賣之一，鹹蛋黃的鹹香令平常的豬肉生色不少。
西洋菜鮮肉雲吞$20
保持了西洋菜爽脆的質感，菜味鮮明清甜。
茄蛋鮮肉雲吞$21
番茄炒蛋都可以包雲吞？入口番茄有點點酸味，很有特色。
及第雲吞$19
粉腸和豬膶混入鮮肉，食落有豬膶獨特的甘香，好此道者必試。
食客伍小姐
我一個禮拜嚟三、四次，隻隻都好味，最有特色係皮蛋芫荽下火雲吞，又平又正。」
吞食本色（28868210）
筲箕灣東大街2號麗東海景豪苑2期12號舖
經典老字號對壘
雲吞麪店隨處有，各有明星粉絲捧場，像何洪記、正斗就入選了米芝蓮推介。今次小記就匿名去了兩間平民老字號，試試邊間的雲吞較出色。
劉健威撐!一粒雲吞分兩啖
獲得食家韜韜、劉健威力撐的深水埗老字號，40多年來都是以竹升打出全蛋麪，雲吞size大粒，要分兩啖才吃完，餡料用上新鮮河蝦，蝦肉比肥豬肉多，入口質感爽得來較實，聲稱首創的蝦子撈河味並不突出，蝦子味淡，撈河也膩滯。
劉森記（23863533）
深水埗福榮街80號
阿蘇撐!鯊魚骨湯細蓉
另一以竹升麪打響名堂的永華麵家，則受蘇施黃、作家李碧華的青睞。永華的雲吞保持傳統小巧，一口一個，豬肉甘香、蝦味鮮，竹升麪爽口有蛋香，湯底亦特別以鯊魚骨熬成，份量不令人飽，卻令人心掛掛想再食，是名副其實的「細蓉」。
永華麵家（25277476）
灣仔軒尼詩道89號地下
