因為搭唔到飛機喺禁區發癲『舌累』地嘅「機場阿嬸」，透過YouTube成為國際大紅人後，最近又出現咗條港女『舌累』地嘅片段，放上網一星期已經有六萬幾人次點擊。呢條題為"AwomanmissedhersharkfinsoupinHongKong"嘅短片，影住一位港女發癲咁要食魚翅，狂嗌「我要食魚翅」，又兩度瞓身『舌累』地，搞到旁邊個外國女遊客失笑。
片長唔夠一分鐘，引起好多網友討論，其實係環保分子抄襲機場阿嬸，推銷今年係國際護鯊年，呼籲大家唔好食魚翅，咁啱「魚翅」又係國泰嘅別號（因為個logo似魚翅），拍呢條片嘅網民都幾有創意。想睇呢段片，可到 http://www.youtube.com/watch?v=Im7W1AnDmgA。