「跌到33蚊都好意外，但唔緊要，佢一定會升番。」73歲的港九罐頭洋酒伙食行商會副監事長李廣林（圖），口裏仍然強調力挺滙豐，雙手卻將他從60年代至今累積得來的股票放了一半。莫非長線投資者終於承認滙豐神話幻滅，怕股價一沉不起？
李廣林解釋說，神話一定會再現，出售股票只是一種策略，「呢啲叫做以戰養戰，滙豐跌到咁嘅水平，我將原先預備留住供股嘅現金，喺巿場撈啲其他抵買嘅股，再賣咗一半滙豐，將筆錢預備供股。咁樣先至可以留得住呢隻愛股。」
「神話冇幻滅」
這名8歲起在街邊售賣罐頭維生的窮小子，六十年代因吹波糖生意贏得第一桶金後，便將部份財富投資滙豐，一邊大搞糧油雜貨生意，一邊大買滙豐，累積身家以億元計，「我買滙豐咁多年冇停過，環境點衰都買。我敢講一句，滙豐一定升，神話冇幻滅，老友呀！」