「滙豐真係陪住我大，同香港人一齊成長。我諗住同佢長相廝守。股價跌到33蚊我都好愕然，但一定唔會放。放咗即係同佢恩斷義絕，我一定唔會放。」年約38歲的玄學家麥玲玲，89年中學畢業任職秘書起，20年來一直支持滙豐，只買不賣，直至今年初跌至55元，短炒了一轉，每股獲利3元。
「師傅叫買金同滙豐」
說起來語帶罪咎感的麥玲玲，原來少女時代媽媽早死，無依無靠，缺乏安全感，購買滙豐才令她內心變得踏實，「中學嗰陣，放咗學之後跟師傅學玄學，師傅就叫我哋買金同買滙豐，先有保障。」
任秘書時麥玲玲月薪只有1,800元，儲夠一筆便買一手滙豐，由每股20多元買到百多元；由四合一，買到一拆三；由97年金融風暴，買到金融海嘯，「喺保險箱見到一叠滙豐股票，就會好開心。」沒有了媽媽，滙豐變了陪她半世的「親人」，「你叫我點捨得放咗佢。」