自從滙控（005）宣佈「世紀大供股」之後，股友都為供股一事「左度右度」，坊間媒體亦提供一些供股方程式畀散戶參考，讓大家檢視手上所持股數實際要供幾多股之餘，又點樣可以沽出部份套現然後增持「威士」供股。正因為有唔同玩法，加上昨日滙控大跌至33元，搞到唔少散戶都幾頭痕。
今次「大笨象」供股集資達1380億元，令人擔心股市水源會否被抽亁。如果人人都勒緊褲帶為供股，消費市道未來承受的衝擊又有幾大？所以滙控今次供股，對整個市場及經濟的影響，真係牽一髮動全身。
目標價20元
傳統智慧教落經濟轉差，對快餐業反而利好，大家樂（341）近幾個月股價跑贏大市，就知市場都幾buy呢個概念。事實上，食材成本漸見回落，加上唔少食肆倒閉停業，均有利大家樂。昨日股價跌3.2%，收16.50元，可趁回吐低吸，目標20元，以15元止蝕。
方星俠