滙控（005）單日跌24巴仙，拖累港股跌近600點收市，恒指報收11344，進一步跌近11000關，成交雖然大縮，但人心虛怯，跌市唔一定要有大成交。
滙控全日跌10.50元，而喺U盤就唔見咗4.70元，難怪有人話呢個係「勁假時段」，今日滙控如果唔係低開而係裂口高開，可以反彈番幾蚊收市，不過，花旗股市麻麻，港股下試11000關機會好大。
紫金C輪15916：紫金（2899）噚日報收4.45元，逆市升近1巴仙，金價未來一段時間仲係反覆偏好，紫金上個月升到5.12元掉頭，今次炒上有機會試番呢個價，破位就睇5.30元，可以諗吓隻C輪15916，現價1.55元，有效槓桿2倍。
正股升上5.30元，15916睇2.19元，正股跌穿4元，就沽咗隻輪止蝕。
俊樺