【本報訊】滙豐股價大插水，不少網民苦中作樂，透過「惡搞」滙豐、改寫歌詞諷刺這隻大笨象宣洩不快。
《酷愛》改成《焗供》
除了把滙豐標誌加上蟹腳嘲笑此股票已成大閘蟹外，有網民將一包「滙豐牌」香煙定價38元，水貨價更低至28元，不過，昨日收市後，該網民肯定要再為該香煙重新定價。
有網民則憑歌寄意，將本港男歌手張敬軒的歌曲《酷愛》改編為《焗供》，將此歌填上新詞「連滙控也跌跌跌到我們已死心，沽清佢不需擔心朝晚再忐忑中抖震，插落去四十太不堪，U盤遭Mark低真有運」。有網民以「眼淚在心裏流」為題，對股評人胡孟青激動流淚深表同情：「雖然唔知佢喊乜，但睇見嗰陣自己個心都好酸，最衰都係俾啲美國佬搞成咁樣，個個輸到無晒錢」。