從事銀行業的溫小姐表示，當她83年10月出生時，外公一次過買入三手滙控（現已一拆三為九手）作為她的嫁妝，以家族信託基金名義持有。據法律文件列明，當溫小姐年滿22歲出嫁時，才可沽出該批滙控套現，至於「未嫁得出」的話，就要26歲才可解禁。
外公贈股票作嫁妝
她說：「𠵱家仲差大半年，但股價已由舊年百幾蚊降至33蚊，本來我打算將筆錢用嚟做買樓首期，真陰功！」
她表示，既然這批外公買的嫁妝股票不是由她本人付款所買，股價跌幅不在計算之內，何況外公在87年也沒有供股，現時她和其家族信託亦決定不供股，「我哋作為小股東，就算唔供股嘅攤薄效應都有限。何況今次滙控供股是為美國業務填氹，而非像渣打集團（2888）般真正用來充實一級核心資本。咁樣，邊個話滙控股價唔會跌落28蚊？我估計股價要彈返上50蚊至少要三年時間，但關鍵係止唔止到血，我無謂將錢倒落鹹水海嚟供股吖。」