花旗嘅失業率勁升，通用汽車危危乎，啲銀行又話唔掂，上日股市繼續插落，好彩道指收市前反彈，倒升32點收市，不過呢個禮拜都唔係好樂觀。
港股上禮拜反覆跌穿12000關收市，美股止跌唔一定帶動反彈，最緊要就係睇吓隻滙控（005）點走，滙控就快除權，有人質貨好正常，除權之後股價反彈嘅機會較大。內地A股進入整固，銀行股走勢好可短炒。
建行C輪9266：建行（939）上周五收4.07元，升1.49巴仙，大成交突破50日線，技術走勢轉強，以佢𠵱家佔恒指嘅比重，算係舉足輕重嘅股份，有機會成為好友炒上嘅工具，上望4.50至4.70元，可以諗吓隻C輪9266，現價85仙，有效槓桿3.1倍，正股升上4.70元，9266睇1.30元，正股跌穿3.80元，就沽咗隻輪止蝕。
俊樺