潮流文化1：<br>潮網六宗罪乜都抄

潮流文化1：
潮網六宗罪乜都抄

很多人都說歐美經過這一輪金融洗劫之後變成無牙老虎，中國這隻沉睡的獅子開始醒了。說中國是本世紀強國之一，我信呀！除了經濟夠強，就連抄襲能力和老翻製作都一樣咁堅，繼miniiPhone、簡體字iPodnano等等老翻當正貨賣，家陣連網頁都死跟，抄足外國正版貨，外形與用法都一樣；即使港台電視劇集都被網民老翻放上網任睇，完全漠視知識版權。學栢芝話齋：錯就要認，打就企定，即數強國子民犯的六宗罪！

記者：葉雪芯
攝影：黃子偉
Model：Wing@puremodel

一宗罪
翻版Facebook縱橫大陸

數到全球最強勁的社交網一定是Facebook。04年由幾個美國讀緊大學嘅𡃁仔設計，現已為他們賺取數以億計的收入，咁大嚿肥豬肉點會唔俾國內強人翻一翻再賺番筆。在大陸旋即有幾個社交網絡竄紅，最強勁莫過於「校內網」，不過一睇個網頁設計……撞鬼！不論是顏色還是用法都幾乎與Facebook一模一樣！似得咁交關，會唔會被Facebook控告抄襲就暫時未知，不過卻已肯定廣受大陸網民支持，現時註冊用戶已超過4,000萬，連冧盡倪才子的「神奇的A茆茆」張茆都有開A/C，強國有十幾億人口，睇嚟未來後勁非常凌厲，絕對能成Facebook對手！

■德國也有個StudiVZ，只將Facebook顏色轉為紅色，Facebook已出手要求矽谷聯邦法院勒令StudiVZ停止仿冒並繳出營利。

■「校內網」的個人主頁與真Facebook有九成似，卻比Facebook遲一年開檔，不過大陸網民卻誤以為Facebook才是抄襲者。

■張茆在「校內網」也設有戶口，是真是假無法考證。

■正版Facebook

■「校內網」顏色排版幾可亂真。

校內網： http://www.xiaonei.com
StudiVZ： http://www.studivz.net

二宗罪
史上最強搜尋引擎？

再次不得不佩服強國IT人才的「創意」，說的是被一眾網民形容為「史上最強的搜尋引擎」──Baigoohoo，中文叫做「百谷虎」，單睇個名唔知係乜東東，打開個網址即明白原來係將大陸最大的搜尋引擎百度、國際搜尋引擎老大哥Google和Yahoo!的三合一！隨便打個字去Search睇睇有幾巴閉……唓，其實只是將介面劏開三欄分別到以上的三大網址搜尋，完全是「假手於人」。好笑在後頭，「百度」之後仲有個「千度」搜尋網，真識搞Gag。

■正版Google

■Baigoohoo的Logo集合三大搜尋引擎Logo的設計元素，中文名叫「百谷虎」，幾惡呀！

百谷虎： http://www.baigoohoo.com
千度： http://www.qiandu.com

三宗罪
淘寶網都有老翻？

人稱「大陸版eBay」的購物網「淘寶網」早有大陸幾億人口作後盾，近年更吸引不少港人落場搵錢搵貨。不同於外國購物網以信用卡或Paypal付款，淘寶網有自家的一套付款模式，就是支付寶，安全程度比得上Paypal。最近就有一個自稱「淘寶山寨版」──「潤購網」的購物網彈起，主攻女性市場，短短半年不到的時間成交額突破4,534萬。不過「潤購網」排版比較簡陋，貨物量亦比淘寶少一半有多，大部份賣家都非常新手，身處香港又驚有風險的網民，都係諗清楚咪亂幫襯！

■正版淘寶網

■潤購網講到明係山寨版，所以連個「網」字的字體設計都跟足淘寶。

淘寶網： http://www.taobao.com
潤購網： http://www.rungou.com

四宗罪
港、台電視新鮮任睇

有網民就完全漠視知識版權，將香港、台灣的電視節目放上網任睇！台灣的綜藝節目可以在YouTube睇到，仲要係即日更新，幾乎好似喺台灣同步收看一樣。港人最愛看的《康熙來了》、《王牌大賤諜》、《超級星光大道》等通通可以在YouTube找到，仲要整個Playlist順序連續睇，Upload網民所在地多是東南亞如新加坡、馬來西亞等。至於香港的電視劇集亦同樣做即日更新，甚至快過香港播出，例如早前《家好月圓》的結局就率先被網民放上網任睇。

■小莉影像館每日定時定候為網民服務，各地網民大肆Upload港、台、韓、日及大陸的劇集、電影及各種節目，無法無天。

■奇熱劇集站就連無綫播出中的《學警狙擊》都緊貼上載，真係錄影機都同你慳埋。

■YouTube有不少即日台灣綜藝節目任意上載，雖然你睇得舒服，但始終係侵權行為。

優酷： http://www.youku.com
奇熱劇集站： http://www.qire.com
小莉影像館： http://www.xiaoli.cc

五宗罪
偽基百科專業惡搞

相信不少學生哥平時做功課寫Paper，都會參考網上的百科全書——維基，在網絡世界就有個「偽基」，專門記錄網絡上的大小事件，稱為「網絡大典」。各大的網上事件簿如巴士阿叔、機場阿嬸、淫照事件，通通在大典上有紀錄來龍去脈，一些出位的網民事迹、網上潮語都可以在此搵解釋，與維基一樣，都係可由網民編輯。打開網頁，左上角寫明「偽基百科——惡搞的百科全書」，哦，明晒。