台灣才女王若琳（Joanna）前晚帶病完成九展尾場演唱會，開騷前她已食藥頂硬上，結果演出時甩嘴及走光露bra邊。嘉賓方大同事後談到關楚耀和衞詩疑藏有大麻，他竟說：「我咁瘦，唔使再吸毒，我一向都食齋，唔使再食草（大麻）。」
連續兩場王若琳的《2009故事書演唱會》，前晚在九展StarHall舉行最後一場，當晚有張家輝、陳柏宇及方伽悠等一同捧場。Joanna整晚換了四套歌衫，甫開場她以半鹹半淡廣東話說：「香港朋友大家好。」當晚Joanna主力唱國語及英文歌，但怎料唱至其中一首歌時她入錯key「甩嘴」，即向觀眾道歉兼要求重唱，觀眾則以掌聲鼓勵。
抱恙演出勁攰
當Joanna穿上一條白色背心裙時，她一時忘形向前俯身，結果露出bra邊及胸前防走光膠紙。當晚方大同擔任嘉賓，兩人合唱一曲，之後再來個深情擁抱。尾聲時Joanna表示：「今日不在最佳狀態，但多謝大家來。」最後安哥一次後便完騷。
方大同表示在台灣曾經和Joanna一同接受訪問而相識，談到關楚耀和衞詩疑藏有大麻，問到有沒有曾經被人引誘？方大同說：「我咁瘦，唔使再吸毒，我一向都食齋，唔使再食草（指大麻），我食芫荽多啲。」Joanna在慶功宴上表示由於食了藥，她說：「我上台前兩個鐘食了喉痛藥，結果上台20分鐘就發作，胸口作悶又想吐。」至於會否再做演唱會，Joanna表示雖很好玩，但覺得很累。另外，慶功宴上有位外籍男士不時望着Joanna，她澄清：「他真的不是男朋友！」又指自己有暗戀對象。
採訪：胡比
攝影：陳慧安
